Yay çağırışının nə vaxt keçiriləcəyi məlum olub
Ermənistan Respublikası hökuməti “2025-ci ildə müddətli həqiqi hərbi xidmətə çağırış və müddətli hərbi qulluqçuların yay çağırışının elan edilməsi haqqında” qərar layihəsini dərc edib.
“Armenpress”in məlumatına görə, silahlı qüvvələrin qulluğa qəbulu iyunun 23-dən iyulun 31-dək, tərxisetmə iyunun 26-dan iyulun 31-dək, möhlətdən məhrum edilmiş və ya 18 yaşına çatmış vətəndaşların hərbi xidmətə çağırışı aprelin 14-dən iyulun 31-dək təşkil olunacaq.
18 yaşına çatmış kişi vətəndaşlar, eləcə də əvvəllər möhlət almış şəxslər çağırılacaq, eləcə də qadın vətəndaşlar da könüllü hərbi xidmətə çağırılacaqlar. Alternativ xidmət hərbi xidmətə çağırışla birlikdə aparılacaq.
Çağırışın təşkili üçün Respublika Çağırış Komissiyası, rayon (Yerevan şəhəri) çağırış komissiyaları, habelə çağırışçıların sağlamlıq vəziyyətinin qiymətləndirilməsini həyata keçirəcək Mərkəzi Həkim Komissiyası yaradılacaq.
