Delimitasiya ilə bağlı bütün məlumatlar açıqdır və son görüşdən sonra biz bunu dərc etmişik və işi necə davam etdirəcəyimizi bildirmişik. Bunu Ermənistan Respublikası baş nazirinin müavini Mher Qriqoryan fevralın 27-də jurnalistlərlə söhbətində qeyd edib.
O, delimitasiyanın növbəti mərhələsinin nə vaxt başlayacağına cavab verə bilməyib.
“Delimitasiya şimal küncündən başlayacaq. Fikrimcə, başlamazdan əvvəl daha bir görüş olacaq. Çünki hələ müzakirə olunacaq məsələlər var. Biz həmişə işçi qruplarında görüşürük”.
Hansı tərəfin delimitasyaya həmin hissədən başlamağı təklif etdiyini soruşduqda baş nazirin müavini belə cavab verdi: “Bu, ümumi konsensus qərarıdır.
İşgüzar görüşlərin nəticəsi olaraq biz planlarımızı mütləq təqdim edəcəyik. Görüş üçün konkret tarix deyə bilmərəm, amma razılaşmalar var ki, intensiv xarakter daşımalıdır”, – o vurğulayıb.
