Avropa Birliyi fevralın 19-dan etibarən Bakıda aclıq aksiyası keçirən Qarabağın keçmiş dövlət naziri Ruben Vardanyanla bağlı inkişafları izləyir.
Bu barədə fevralın 28-də jurnalistlərlə söhbətində AB-nin Ermənistandakı səfiri Vasilis Maragos bildirib.
“Mən həm Ermənistanda, həm də beynəlxalq səviyyədə insan hüquqları və qanunun aliliyi ilə bağlı bütün hallara həssas yanaşıldığını bilirəm.
Konkret olaraq bu işlə bağlı bizə göndərilən bütün məlumatları aldığımızı və onlara çox diqqətlə yanaşdığımızı sizə əminliklə bildirirəm.
Avropa Birliyi çox açıq şəkildə bəyan edib ki, biz ədalətli məhkəmə prosesinin keçirilməsini gözləyirik və bu konkret işlə bağlı bütün inkişafları diqqətlə izləyirik” – deyə o, bildirib.
