Ermənistan hökuməti nağdsız dövriyyəyə daha çox diqqət yetirmək istəyir.
Ermənistanın Baş Naziri Nikol Paşinyan parlament -hökumət sual-cavab sessiyasında bildirib ki, hökumətin strateji qərarına görə yaxın gələcəkdə rəqəmsallaşmaya və nəticədə nağdsız dövriyyəyə daha çox üstünlük veriləcək.
Paşinyan bu mövzuda deyib: “Bizim strateji qərarımız var ki, yaxın gələcəkdə rəqəmsallaşmaya və nəticə etibarilə nağdsız dövriyyəyə daha çox diqqət yetirilməlidir”.
Baş Nazir bankların bu prosesdən daha çox qazanacağı ilə bağlı şayiələrə də toxunub: “İnsan nağd pul saxladıqda onun təhlükəsizliyi pul hesab edilmir, amma bu xərcdir, elə deyilmi? Və ya nağd pulun itirilməsi kimi hallar olur…”
O, həmçinin universal bildiriş sistemi çərçivəsində müəyyən xərclər üçün pulun geri qaytarılması imkanını xatırladıb: “Əgər siz nağdsız ödəniş etmisinizsə (yəni, əməliyyat izlənilə bilər), bu sosial kredit kimi geri qaytarılacaq”.
Paşinyan vurğulayıb ki, hökumət bu istiqamətdə qərarlar hazırlayır, lakin hazırda əsas çağırış odur ki, insanlar mümkün qədər nağdsız əməliyyatları artırsınlar.
Beləliklə, qərar qəbul edildikdə, bu tədbir hər kəsə şamil edilə biləcək.
