Avropa Şurasının Regional və ya Azlıq Dilləri üzrə Avropa Xartiyası Ekspertlər Komitəsinin (COMEX) nümayəndə heyəti işgüzar səfərlə Ermənistana gəlib.
Alınan məlumata görə, Ermənistanın Təhsil, Elm, Mədəniyyət və İdman zazirliyindən bildirilib ki, səfərin məqsədi suriyalı, ezidi, yunan, rus və kürd kimi milli azlıqların dillərinin qorunub inkişafına yönəlmiş qanuni aktların, normaların və xartiyanın tələblərinin praktiki tətbiqinin qiymətləndirilməsi idi.
Bu qiymətləndirmə Ermənistan tərəfindən təqdim edilmiş altıncı dövrü hesabat əsasında həyata keçiriləcək.
Səfər çərçivəsində COMEX nümayəndələri Ermənistanın Təhsil, Elm, Mədəniyyət və İdris Nazirinin müavinləri Artur Martirosyan və Daniel Danielyan, həmçinin Dil Komitəsinin sədri Siranuş Dvoyan ilə görüşlər keçiriblər.
Görüşlərdə aşağıdakı mövzular müzakirə edilib:
Milli azlıq dillərinin qorunması üçün dövlət siyasəti,
Suri, ezidi, yunan, rus və kürd dillərində dərsliklərin mövcudluğu,
Bu dillərdə tədris materialları və informativ işarələrin təminatı,
Pedaqoji kadrların hazırlanması və yenidən hazırlanması,
Azlıqların mədəni irsi, milli ənənələrinin qorunması və inkişafı üçün dövlət dəstəkli proqramlar.
Nazirliyin müavinləri xartiyanın prinsiplərinin həyata keçirilməsinə sadiqliyini təkrar vurğulayaraq, milli azlıqların dövlətin diqqət mərkəzində olduğunu bildiriblər.
Onlar qeyd ediblər ki, azlıqların dil, mədəniyyət və ənənələrinin qorunması üçün konkret addımlar davam etdiriləcək.
Heyətin tərkibi və səfər proqramı
COMEX heyətinə aşağıdakı üzvlər daxil idi:
Lyudmila Popoviç (Serbiya): Belqrad Universitetinin Dilçilik və Slavyanşünaslıq professoru,
Yurgen Pirkər (Avstriya): Qrats Universitetinin Hüquq və İdarəetmə professoru,
Lusine Harutunyan (Ermənistan): Mədəni antropoloq.
Heyətə Avropa Şurasının xartiya katibliyinin nümayəndəsi Kinqa Jensen-Maqyar da rəhbərlik edib.
Nümayəndələr həmçinin Arzni, Alagyaz, Lermontovo, Yağdan və Ferik kimi yaşayış məntəqələrindəki ümumtəhsil məktəblərinə səfər ediblər. Bu məktəblərdə azlıq dilləri tədris olunur.
Heyət məktəblərin müəllim və rəhbər heyəti, həmçinin yerli özünüidarəetmə orqanlarının və ictimai təşkilatların nümayəndələri ilə görüşüb.
Digər görüşlər və tədbirlər
Səhiyyə və Ədliyyə Nazirliklərində,
İctimai Yayım Şurasında,
Baş nazir aparatının Milli Azlıqlar və Din Məsələləri şöbəsi ilə,
Milli Azlıqlar Məsələləri Şurasında iştirak edən QHT-lərlə,
Parlamentdə suri və ezidi azlıqlarını təmsil edən deputatlarla görüşlər keçirilib.
Avropa Şurasının ekspertləri Ermənistanda topladıqları məlumatları nəzərə alaraq qiymətləndirmə hesabatı hazırlayacaq. Hesabatın ictimaiyyətə təqdim edilməsi gözlənilir.
