Hindistana rəsmi səfəri çərçivəsində ER Xarici işlər naziri Ararat Mirzoyan xarici siyasət mövzularını işıqlandıran aparıcı yerli media orqanı olan WION-a müsahibə verib. Bu barədə ER XİN məlumat yayıb.
Müsahibədə nazir Mirzoyan Ermənistan-Hindistan ikitərəfli əməkdaşlığının gündəliyi, böyük inkişaf potensialına malik sahələr, beynəlxalq platformalarda qarşılıqlı dəstək, o cümlədən Cənubi Qafqazda sülhün bərqərar olunması səyləri və digər regional və beynəlxalq gündəlikdəki məsələlərlə bağlı sualları cavablandırıb.
“Aydındır ki, müdafiə bizim Hindistanla çox sıx əməkdaşlığımız olan sahələrdən, sahələrdən biridir və güman edirəm ki, bu əməkdaşlıq bundan sonra da dərinləşəcək.
Amma qeyd etmək istərdim ki, bu əməkdaşlıq və xüsusən də Hindistanda istehsal olunan bəzi xüsusi texnikanın alınması Ermənistanın istifadəsi üçün nəzərdə tutulmayıb və ya başqa mənada heç bir başqa, üçüncü tərəfə qarşı yönəlməyib.
Yəqin siz bilirsiniz ki, Ermənistanın sülh proqramı var, biz şərq qonşumuzla sülh danışıqlarında iştirak edirik, lakin ümumilikdə, biz çox diqqət mərkəzindəyik.
Deməli, biz müdafiə sektorumuzda, ordumuzda islahatlar aparırıq, ordumuzu modernləşdiririk və burada müəyyən konkret sahələrdə Hindistan təcrübəsi, eləcə də Hindistanda istehsal olunan texnika bizim üçün maraqlıdır.
Amma yenə də bu, Ermənistanın müdafiə sistemində islahatların aparılması üçündür və bu sistemlərdən başqa, üçüncü tərəfə qarşı istifadə etmək niyyəti yoxdur.
Ermənistan və Hindistan arasında beynəlxalq platformalarda əməkdaşlığa toxunaraq qeyd etməliyəm ki, burada bizim çox sıx əməkdaşlığımız var.
Biz bir-birimizin namizədliyini dəstəkləyirik, çox vaxt müxtəlif beynəlxalq platformalarda bir-birimizin təşəbbüslərini qarşılıqlı şəkildə dəstəkləyirik.
Ermənistanla Azərbaycan arasında münasibətlərin normallaşdırılması prosesinə gəlincə, burada deməliyəm ki, biz sülh sazişi layihəsini yekunlaşdırmağa çox yaxınıq, Ermənistan və Azərbaycanı nəzərdə tuturam.
Əgər biz əvvəlcə sazişin işlənib hazırlanmasını başa çatdıra bilsək, sonra onu imzalasaq, o zaman bu, Cənubi Qafqazda sülhün və sabitliyin ən möhkəm sütunlarından biri olacaq.
Bu, həm də Azərbaycanla artıq apardığımız digər addımları, danışıqları və razılaşmaları tamamlayır. Məsələn, cəmi bir neçə ay bundan əvvəl biz iki dövlət arasında demarkasiya prosesi ilə məşğul olan sərhəd komissiyalarının əsasnamələrini imzalamağa və sonra ratifikasiya etməyə nail olduq.
Təəssüf ki, biz görürük ki, bu gün Birləşmiş Millətlər Təşkilatı çərçivəsində fəaliyyət göstərən bütün mexanizmlər, eləcə də BMT sistemindən kənarda fəaliyyət göstərən mexanizmlər kifayət deyil və bizə dünyanın müxtəlif yerlərində münaqişələrin qarşısının alınmasına, idarə olunmasına və ya dayandırılmasına zəmanət vermir.
Getdikcə daha aydın olur ki, çox güman ki, BMT sisteminin müəyyən islahatlara ehtiyacı var. Biz Hindistanın yanaşması və mövqeyi ilə tanışıq və bu yanaşmanı dəstəkləyirik” – deyə ER XİN rəhbərinin cavablarında xüsusilə qeyd olunub.
