Moskva sazişin mətni üzrə danışıqların yekunlaşması ilə əlaqədar Yerevan və Bakı arasında sülh prosesində əldə olunan irəliləyişi alqışlayır.
Armenpress-in müxbirinin verdiyi məlumata görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova martın 20-də həftəlik mətbuat konfransı zamanı bildirib və bunun Cənubi Qafqazda çoxdan gözlənilən təhlükəsizlik və inkişaf üçün mühüm addım olduğunu vurğulayıb.
“Sülh gündəmində regionda yol və iqtisadi əlaqələrin açılması, delimitasiya və humanitar blok da daxil olmaqla həllini gözləyən bir sıra mühüm qlobal məsələlər var. Biz həmçinin tərəfdaşlarımıza bütün istiqamətlərdə dəstək verməyə hazır olduğumuzu təsdiqləyirik”, – deyən Zaxarova Rusiya xarici işlər nazirinin xüsusi nümayəndəsi İqor Xovayevin müvafiq məsləhətləşmələr aparmaq üçün regiona səfər etməyə hazır olduğunu bildirib.
