Ermənistan Azərbaycana sülh sazişinin imzalanma yeri və vaxtı ilə bağlı məsləhətləşmələrə başlamağı təklif edib.
“Armenpress”in məlumatına görə, bunu Ermənistanın baş naziri Nikol Paşinyan Parlamentdə hökumətlə sual-cavab iclasında deyib. “Biz Azərbaycana məsləhətləşmələrə başlamağı təklif etmişik.
Təbii ki, ictimai təkliflər də diplomatik kanallarla verilən təkliflərlə birləşdirilir və müəyyən işlər görülür. Diplomatik işdən danışmaq yaxşı janr deyil. O iş öz bəhrəsini verəndə hamı o nəticəni görəcək”, – Paşinyan bildirib.
Martın 13-də Ermənistan və Azərbaycan sülh müqaviləsinin mətni üzrə yekun razılığa gəldiklərini rəsmən elan ediblər. Ermənistan Xarici İşlər Nazirliyi bəyan edib ki, Bakı ilə sazişin imzalanma vaxtı və yeri ilə bağlı müzakirələrə başlamağa hazırdır. Bundan dərhal sonra bir sıra beynəlxalq aktorlar, o cümlədən ABŞ, Aİ, Rusiya, BMT və bir sıra dövlətlər sazişin mətni üzrə tərəflər arasında əldə olunan razılaşmanı alqışlayıb, sənədin ən qısa zamanda imzalanacağına ümid etdiklərini bildiriblər.
Bununla belə, Azərbaycan sazişin imzalanması üçün yeni ilkin şərtlər irəli sürür, Ermənistan konstitusiyasına dəyişiklik edilməsinin zəruriliyi ilə bağlı yalan iddiaları davam etdirir və ATƏT-in Minsk Qrupunun buraxılmasını təkid edir.
