Ermənistan KTMT büdcəsinə illik üzvlük haqqı ödəməyi planlaşdırırmı? Sputnik Armenia-nın sorğusuna cavab olaraq Ermənistan Xarici İşlər Nazirliyi bu mövzuya münasibət bildirib.
“Ermənistan tərəfi KTMT-nin Katibliyinə “KTMT-nin 2024-cü il büdcəsi haqqında” qətnaməsini imzalamaqdan və təşkilatın nəzərdə tutan fəaliyyətinin maliyyələşdirilməsində iştirakdan çəkinəcəyi barədə rəsmi məlumat verib”, – XİN-dən bildiriblər.
XİN-dən onu da qeyd edilib ki, KTMT-nin daxili prosedurlarına əsasən, təşkilatın illik büdcəsi haqqında məlumat açıq deyil.
Bundan əvvəl Rusiya xarici işlər nazirinin müavini Aleksandr Pankin bəyan etmişdi ki, Ermənistan 2025-ci ilin sonuna kimi KTMT büdcəsinə üzvlük haqqını ödəməsə, təşkilata üzv ölkələr “müxtəlif ssenarilər nəzərdən keçirə bilərlər”.
Xatırladaq ki, 2024-cü il mayın 8-də ER Xarici İşlər Nazirliyi Ermənistanın KTMT-nin fəaliyyətinin maliyyələşdirilməsində iştirak etməyəcəyini açıqlamışdı. Paşinyan iyunun 14-də Parlamentdə bəyan edib ki, növbəti məntiqi addım KTMT-dən çıxmaq olacaq.
