Ermənistan Xarici İşlər Nazirliyi minalanmış ərazilərin xəritələrinin təqdim edilməsi ilə bağlı Bakıya cavab verib.
“Humanitar məsələlərin həllinə önəm verən Ermənistan 2021-ci ilin 12 iyun, 3 iyul, 19 oktyabr, 1 noyabr və 29 noyabr tarixlərində birtərəfli qaydada Azərbaycana 972 minalanmış ərazi reyestrini heç bir şərt olmadan təqdim edib”,- XİN mətbuat katibi Ani Badalyan bildirib.
Bundan başqa, humanitar sahədə əməkdaşlıq prinsiplərinə sadiq qalaraq, minalanmış ərazilərin tədqiqatlar yolu ilə yeni reyestrlərini tərtib edərək 2024-cü ilin əvvəlində Azərbaycana təhvil verib.
“Daha yaxşı və ya daha dəqiq” xəritələrin olmadığı barədə dəfələrlə açıqlamalarımıza baxmayaraq, Azərbaycan bu xəritələrin düzgünlüyünü şübhə altına almaqda davam edir. Ermənistan keçmişdə olduğu kimi beynəlxalq ekspertləri də cəlb etməklə bu xəritələrin düzgünlüyünü yoxlamağa hazırdır.
Əlavə edək ki, Beynəlxalq Ədalət Məhkəməsi Azərbaycanın Ermənistanı mina fəaliyyətində ittiham etdiyi Ermənistana qarşı müvəqqəti tədbirin tətbiqi tələbini birmənalı olaraq rədd edib.
