“Azərbaycan AŞPA-nın öz nümayəndə heyətinin səlahiyyətlərini təsdiqləməməsini əsas gətirərək, Avropa Məhkəməsinin qərarlarını icra etməyəcəyini açıqlayıb. Bu, avtoritar rejimlərə xas olan açıq-aşkar siyasi şantajdır”. Armen Gevorqyan bunu AŞPA-da keçirilən “Avropa İnsan Haqları Məhkəməsinin qərarlarının icrası” mövzusunda müzakirələr zamanı deyib.
“İlham Əliyev on minlərlə ermənini artıq hüquqlarından məhrum edib, erməni məhbuslara qarşı biabırçı şou-məhkəmələr keçirir, indi isə Strasburqda Azərbaycan vətəndaşlarını ədalət mühakiməsi hüququndan məhrum edir.
Bunlar Avropanın qazı insan hüquqlarına alver edən rejimlə təhlükəli kompromislərinin nəticələridir. İndi isə biz təkcə Beynəlxalq Cinayət Məhkəməsinin yox, həm də Avropa Konvensiyasına əsaslanan insan hüquqları sisteminin itirilməsinin real təhlükəsinin şahidi oluruq”, – Gevorqyan bildirib.
