“Azatutyun”un diplomatik mənbələri xəbər verir ki, Avropa İttifaqı (Aİ) ölkələrinin xarici işlər nazirləri bu gün Lüksemburqda keçirdikləri görüşdən sonra Ermənistan-Azərbaycan münasibətlərini müzakirə ediblər.
Əsas müzakirə mövzularından biri ötən ay Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaia Kallasın Aİ Şurasına təqdim etdiyi Avropa İttifaqı Sülh Fondundan Ermənistana 10 milyon avronun ayrılması təklifi olub. Azərbaycan prezidenti ilə yaxın münasibətləri ilə tanınan Macarıstan altıncı həftədir ki, veto hüququndan istifadə edərək bu qərarı əngəlləyir, “Azatutyun”un mənbələri bildirir.
Budapeşt keçən il Avropa İttifaqının Ermənistana Sülh Fondundan 10 milyon avro ayrılması məsələsini ilk dəfə müzakirə etməyə başlayanda da eyni hərəkəti edib. Həmin vaxt Budapeşt Azərbaycanın proqrama daxil edilməsini tələb edirdi. Həftələrlə bağlı qapılar arxasında davam edən danışıqlardan sonra avropalı diplomatlar Budapeştin müqavimətini dəf edə bildilər.
“Bugünkü danışıqlardan sonra hələlik heç bir irəliləyiş əldə olunmayıb”, – “Azatutyun” radiosunun mənbələri bildirib.
