“Fakt” qəzeti yazır: “Azərbaycanın insan haqları və beynəlxalq hüquqa əhəmiyyət verməməsi yeni bir şey deyil. Amma məsələ ondadır ki, Əliyev də bu barədə özünü ifadə etməkdə çətinlik çəkmir.
Və bu dəfə o, artıq Avropa Şurasında, xüsusən AŞ PA-da Azərbaycanın həmin strukturdakı nümayəndə heyətinin səlahiyyətlərinə xitam verilməsindən şikayətçi olmaq hüququnu özündə saxlayıb.
Üstəlik, Əliyev bəyan edir ki, Azərbaycan Avropa Məhkəməsinin çıxardığı qərarları icra etməyəcək. AŞ PA sədri və Parlament Assambleyasının 76 üzvü isə Azərbaycanın qara siyahısına salınıb.
Səbəb odur ki, Avropanın ali strukturu Azərbaycanda insan haqları məsələlərinə obyektiv qiymət verməyə cəsarət edib. AŞ PA sədri isə kifayət qədər sərt bəyanatla çıxış edərək qeyd edib ki, heç kim Avropa Şurasını şantaj edə bilməz.
O, vurğulayıb ki, Əliyev özünü diktator kimi aparır.
Deyəsən, Avropanı təbrik etmək olar. Nəhayət, AŞ PA Azərbaycana qarşı sərt bəyanatla çıxış etməyə cürət etdi. Ola bilsin ki, Avropa Şurasının bu strukturu artıq başa düşür ki, bu, davam edə bilməz, çünki Azərbaycan bütün qırmızı xətləri keçir.
Digər tərəfdən, belə bir bəyanatın vaxtı keçmiş deyilmi? Axı bu vəziyyətin yaranmasında günahkar Avropa strukturlarının özləridir, çünki onlar daim Əliyev rejimini məhkəməyə verməyə çalışıblar və ya ən azından bir çox fenomenlərə göz yumublar və hər hansı qeyri-müəyyən bəyanatlar var idisə, onlar ardıcıl deyildilər, üstəlik, bu bəyanatların ardınca konkret sanksiyalar tətbiq edilməyib. Nəticə etibarı ilə artıq Azərbaycan “başlarının üstündə oturub”.
