Dağlıq Qarabağda baş vermiş 44 günlük müharibənin vəziyyəti üzrə yaradılmış Ermənistan Parlamentinin istintaq komissiyasının hesabatı payız sessiyasında – sentyabrın 27-dən sonra keçiriləcək plenar iclasın gündəminə daxil ediləcək.
Bu barədə jurnalistlərlə söhbətində istintaq komissiyasının sədri Andranik Koçaryan məlumatlandırıb.
“Sentyabrın 27-si şənbə gününə düşür, bu səbəbdən plenar iclas sentyabrın 30-da başlayacaq. Parlamentin sədri məsələni şuranın iclasında gündəmə daxil edəcək və tarixi dəqiq müəyyən edəcək.
Məncə, çox vacibdir ki, bu məsələ məhz həmin vaxtda təqdim olunsun” – deyə Koçaryan bildirib.
Məsələnin niyə bu sessiyada təqdim olunmadığına dair suala cavab olaraq Koçaryan qeyd edib ki, sentyabrın 27-si simvolik bir tarixdir.
Eyni zamanda siyasi gərginliklər də o vaxta qədər səngimiş olacaq. Onun sözlərinə görə, sənəd üzərində çox geniş miqyaslı iş aparılıb və bu, cavabsız qala bilməz.
Hesabat gizli hissədə təqdim olunacaq. Koçaryanın sözlərinə əsasən, məxvilik səviyyəsi o qədər yüksəkdir ki, iclas qapalı keçiriləcək, lakin hesabat aidiyyəti qurumlara təqdim ediləcək.
