Aprelin 21-də Banqkokda keçirilən BMT-nin Asiya və Sakit Okean üzrə İqtisadi və Sosial Komissiyasının (UNESCAP) 81-ci sessiyası zamanı Ermənistan Respublikası Xarici işlər nazirinin müavini Robert Abisoğomonyan “Asiya və Sakit okeanda inklüziv və davamlı inkişaf üçün cari və inkişaf etməkdə olan siyasət məsələləri” adlı ümumi müzakirədə çıxış edib.
Xarici işlər nazirinin müavini Robert Abisoğomonyan çıxışında qeyd edib ki, görüşün Dayanıqlı İnkişaf Məqsədlərinin (DİM) icrası istiqamətində əldə olunmuş irəliləyişlər, mövcud çağırışlar və gələcək addımlar barədə fikir mübadiləsi aparmaq üçün yaxşı fürsət olub.
Xarici işlər nazirinin müavini Ermənistan və UNESSCAP arasında yaşıl iqtisadiyyatın təşviqi, ətraf mühitin mühafizəsi, insan kapitalının inkişafı və əlaqə sahələrində qurulmuş əməkdaşlığı vurğulamışdır.
Ölkələrin iqlim dəyişikliyinə həssaslığının azaldılmasına yönəlmiş beynəlxalq dəstəyin əhəmiyyətinə toxunan xarici işlər nazirinin müavini davamlı infrastrukturların yaradılmasının, xəbərdarlıq və hazırlıq sistemlərinin tətbiqinin zəruriliyini vurğulayıb.
Bu kontekstdə Robert Abisoğomonyan ötən il Ermənistanın Şimal rayonlarında baş vermiş dağıdıcı daşqınlar nəticəsində insan tələfatı və maddi ziyanı təqdim edib.
Ermənistan Respublikası Xarici işlər nazirinin müavini bəyan edib ki, 2026-cı ildə Yerevanda keçiriləcək COP17 Biomüxtəliflik Konfransı biomüxtəliflik və iqlim dəyişikliyi üzrə əməkdaşlıq üçün mühüm platforma olduğu üçün xüsusi əhəmiyyət kəsb edir.
Ermənistanın konfransa ev sahibliyi edən ölkə kimi vətəndaş cəmiyyətinin, beynəlxalq təşkilatların və bütün digər maraqlı tərəflərin iştirakını təmin etmək üçün inklüziv yanaşmanı qəbul etdiyi vurğulanıb.
Ermənistanın qəbul etdiyi sülh gündəliyinə toxunan Xarici işlər nazirinin müavini Ermənistan hökumətinin “Sülh kəsişməsi” konsepsiyasını iştirakçılara təqdim edərək, onun həm Cənubi Qafqazda, həm də ondan kənarda iqtisadi əlaqələrin təmin edilməsi və sülhün qurulması üçün mühüm təminat kimi potensialını vurğuladı.
