Həbsdə aclıq edən müxalif siyasətçi Tofiq Yaqublunun vəziyyətinin daha da ağırlaşdığı bildirilir
Azərbaycanda 22 gündür ki, ölüm aclığı edən müxalif siyasətçi Tofiq Yaqublunun vəziyyətinin hər keçən gün daha da ağırlaşdığı bildirilir.
Aprelin 22-də vəkili Fəxrəddin Mehdiyev Tofiq Yaqublu ilə görüşüb.
“22 günə artıq 13 kq yaxın çəki itirib. Vəziyyət isə get-gedə daha daha kritikləşir. Hər an geridönməz hallar baş verə bilər. Tofiq Yaqublu təcili mülki xəstəxanaya köçürülməlidir. Bu vəziyyət bir az daha da davam etsə, o, təcridxanada həyatını itirəcək”, – vəkil bildirib.
Tofiq Yaqublu 2013-cü ildə İsmayıllıda etirazların təşkilində ittiham olunaraq həbs edilib.
2025-ci il martın 10-da Bakı Ağır Cinayətlər Məhkəməsi Tofiq Yaqublunu 9 il azadlıqdan məhrum edib.
Qərar etiraz olaraq Tofiq Yaqublu aprelin 1-dən aclıq elan edib.
Bir sıra yerli və beynəlxalq insan haqları təşkilatı onun adını siyasi məhbus siyahılarına daxil edib. Azərbaycan rəsmiləri isə ölkədə siyasi məhbusların olması fikrini qəbul etmirlər.
