Ermənistanın İrandakı səfiri Qriqor Hakobyan Tehranda “İranşünaslıq” Fondunda olub, fondun rəhbəri, İranın keçmiş xarici işlər naziri Əli Əkbər Salehi ilə görüşüb.
Görüş zamanı tərəflər Ermənistan-İran ikitərəfli münasibətlərinin hazırkı kursunu və inkişaf dinamikasını müzakirə edib, son illər müxtəlif sahələrdə, o cümlədən siyasi, iqtisadi, mədəni, elm və təhsil sahələrində əldə olunan irəliləyişləri məmnunluqla qeyd ediblər.
Tərəflər Ermənistan və İranda iranşünaslıq və ermənişünaslığın inkişaf imkanlarına toxunub.
Bu istiqamətdə mübadilə proqramlarının və birgə tədbirlərin keçirilməsinin vacibliyini vurğulayıblar.
Cənubi Qafqazın təhlükəsizliyi və regional sabitliyinə də xüsusi diqqət yetirilib, son beynəlxalq hadisələrlə bağlı məsələlər müzakirə edilib.
