Avropa Xalq Partiyasının (AXP) Valensiyada keçirilən qurultayı Ermənistanla bağlı təcili qətnamə qəbul edib.
“Ermənistanda mövcud siyasi vəziyyət” adlı qətnamə Ermənistanda baş verən daxili siyasi prosesləri, o cümlədən demokratiya, insan haqları və qanunun aliliyi sahələrində həyata keçirilən islahatları alqışlayır.
Avropa Parlamentinin üzvü və Ermənistan üzrə məruzəçi Miriam Leksman öz çıxışında qeyd edib ki, bu qətnamə ilə AXP Ermənistanda baş verən son siyasi prosesləri dəstəkləmək və Ermənistana Avropa İttifaqı ilə bağlı davam edən təşəbbüsündə kömək etmək istəyir.
“Biz erməni xalqının öz ölkəsində qanunun aliliyini və demokratiyanı gücləndirmək istəyini dəstəkləmək istəyirik və Ermənistanın geosiyasi şəraiti və istiqamətindəki bu tarixi dönüş zamanı onu qətiyyətlə dəstəkləmək və yanında olmaq istəyirik.
Beləliklə, biz daha güclü iqtisadi əməkdaşlığı və inkişafı təşviq etmək, o cümlədən Ermənistanın ehtiyac duyduğu bütün islahatları dəstəkləmək istəyirik. AXP Ermənistanın qonşuları ilə münasibətləri normallaşdırmaq üçün əlindən gələni etmək səylərini yüksək qiymətləndirir. Xüsusilə bu gün, Erməni Soyqırımının 110-cu ildönümünü qeyd etdiyimiz bu günlərdə onun Türkiyə ilə konstruktiv dialoqunu həqiqətən yüksək qiymətləndiririk. Biz 2023-cü ildə on minlərlə ermənini didərgin salan hərbi hücuma baxmayaraq, Ermənistanın Azərbaycanla sülh danışıqlarında göstərdiyi səyləri və liderliyini görür və yüksək qiymətləndiririk. Biz bütün məhbusları dərhal və qeyd-şərtsiz azad etməyə çağırırıq. Və erməni azlığının Dağlıq Qarabağa qayıtmaq üçün təminatlı hüququnu da xatırladırıq.
Xanımlar və cənablar, gəlin Ermənistanın Avropa İttifaqına gedən yolunda tam dəstəyimizi bildirək. Təşəkkür edirəm”.
