Azərbaycan Qafqazda Rusiyanın müttəfiqi deyil, Azərbaycan Türkiyənin müttəfiqidir və təkcə Qafqazda deyil. Bunu NEWS.am-a müsahibəsində Dövlət Dumasının MDB işləri üzrə komitəsi sədrinin birinci müavini Konstantin Zatulin deyib.
“Yalnız onu deyə bilərəm ki, Əliyevin gəlib-gəlməməsindən asılı olmayaraq, mən çox yaxşı başa düşürəm ki, Rusiya, əlbəttə ki, Azərbaycanla normal münasibətlər qurmaq istəyərdi, lakin bu, heç də o demək deyil ki, biz onların Bakıdan söylədiklərinə böyük əhəmiyyət verməliyik və ya Azərbaycanı şöhrətləndirməliyik və onu reallıqda olmayan bir ölkə kimi təqdim etməliyik. Bu o demək deyil ki, Bakının tapşırığı ilə mən unutmalıyam ki, 2020-2023-cü illərdə Azərbaycan Dağlıq Qarabağ münaqişəsinin həlli ilə bağlı uzun illər aparılan danışıqları bir kənara qoyaraq, Türkiyənin köməyi ilə Dağlıq Qarabağı gözümüzün qabağında işğal etdi və erməni əhalisini ordan getməyə məcbur etdi (başqa cür təsvir edə bilmərəm)”, – Zatulin qeyd edib.
Onun fikrincə, baş verənlər nə danışıqlar prosesinin hərfinə, nə ruhuna, nə də bütövlükdə Rusiyanın maraqlarına uyğun gəlir.
“Rusiya, əlbəttə ki, Ermənistanla Azərbaycan arasında müharibələrin olmamasında maraqlıdır, lakin eyni zamanda, heç bir əhalinin qovulmasında, məsələn, min illik tarixi olan erməni monastırlarının alban kimi elan edilməsində və ya onları başqa mənşəyə aid etməkdə maraqlı ola bilməz”, – Konstantin Zatulin vurğulayıb.
