ABŞ Dini Etiqad Azadlığı Komissiyası Azərbaycanda erməni irsinin məhv edilməsi ilə bağlı dinləmələr keçirəcək

ABŞ-ın Beynəlxalq Dini Etiqad Azadlıqları Komissiyası (USCIRF) iyunun 5-də Azərbaycandakı vəziyyətlə bağlı virtual dinləmələr keçirəcək və bu dinləmələrdə erməni mədəni irsinin məhv edilməsi məsələsi də müzakirə olunacaq, USCIRF-in bəyanatında deyilir.

“Dağlıq Qarabağın dini obyektləri Azərbaycan hakimiyyətinin… erməni mədəni irsini məhv etdiyi üçün təhlükə altında olmaqda davam edir”, – təşkilatın bəyanatında deyilir.

Qeyd olunub ki, Azərbaycanda dini etiqad azadlığı ilə bağlı şərait həyəcan verici olaraq qalır.

“Ölkənin dini qanunvericiliyi dini icmaların qanuni şəkildə dini fəaliyyətlə məşğul ola bilməsi üçün onlara ağır qeydiyyat tələbləri qoyur. Son illərdə İranla münasibətlərin pisləşməsindən sonra Azərbaycan hökuməti rekord sayda şiə müsəlmanı dini zəmində saxlayıbvə həbs edib. Məhbusların bir çoxu hüquq-mühafizə orqanlarının əməkdaşlarını fiziki zorakılıqda və digər pis rəftarda ittiham edir”, – USCIRF hesabatında qeyd olunub”.

“Fevral ayında USCIRF ölkədə dini etiqad azadlığının vəziyyəti ilə tanış olmaq və dini icma nümayəndələri, hüquq müdafiəçiləri və hökumət rəsmiləri ilə görüşmək üçün Azərbaycana səfər edib. 2025-ci ildə USCIRF illik hesabatında ABŞ Dövlət Departamentinə Azərbaycanı dini etiqad azadlığının ciddi pozuntularına görə Xüsusi Nəzarət Siyahısına daxil etməyi tövsiyə edib”, – məlumatda deyilir.