Mayın 20-də Ermənistan Respublikasının Xarici işlər naziri Ararat Mirzoyan ilə Fransa Respublikasının Avropa və Xarici İşlər naziri Jan-Noel Barrot arasında telefon danışığı olub.
Bu barədə Ermənistan Xarici İşlər nazirliyi məlumat yayıb.
Nazirlər Ermənistan-Fransa ikitərəfli tərəfdaşlığının cari və gələcək təmaslarının gündəliyini müzakirə ediblər.
Ötən həftə Tiranada iki ölkə liderləri arasında keçirilən müzakirənin davamında Ararat Mirzoyan və Jan-Noel Barrot tərəfdaşlığın dərinləşdirilməsinə yönəlmiş addımlar barədə fikir mübadiləsi aparıblar.
Çoxtərəfli platformalarda, eləcə də Avropa siyasi birliyi çərçivəsində əməkdaşlıq məsələlərinə toxunulub.
