Syünikdə tikilən bu yol 1 saat 20 dəqiqəlik yolu 20 dəqiqəyə endirəcək, yolun eni isə 6 metrdən 17 metrə yüksələcək ki, bu da hər iki ölkə üçün sərfəlidir. Bu haqda, mayın 22-də Syünikdə İranın Ermənistandakı Fövqəladə və səlahiyyətli səfiri Mehdi Sobhani deyib.
Onun sözlərinə görə, bu, qəza riskini azaldacaq və yükdaşımaların həcmini artıracaq.
“Bundan hər iki ölkəmiz faydalanacaq. Ermənistan faydalansa, təbii ki, İran da bundan faydalanacaq. Ermənistanın inkişafı və rifahı məhz İranın istədiyi kimidir”.
Meğri azad iqtisadi zonasının tam fəaliyyət göstərməsinə nə mane olur sualına səfir belə cavab verib: “Təbii ki, iqtisadi infrastruktur hazır olmalıdır. İran tərəfində fəaliyyət göstərən azad iqtisadi zonamız var.
Bu tərəfdən, Yerevanda azad iqtisadi zona fəaliyyətə başlasa, bu, iqtisadi inkişaf üçün stimul olacaq. Biz Ermənistanın bu proqramları ilə bağlı danışıqlar apara bilərik”.
İran şirkətlərinin Ermənistandakı fəaliyyətindən danışan səfir qeyd edib ki, Ermənistanda 300-ə yaxın İran şirkəti artıq qeydiyyatdan keçib və fəaliyyət göstərir.
“Bu şirkətlər müxtəlif sektorlarda fəaliyyət göstərir, hazırda bizim Armavir şəhərində İran polad şirkətimiz var, orada zavod yaradıb. Tezliklə orada armatur istehsalı xətti işə salınacaq.
Bizim Ermənistanda fəaliyyət göstərən, iqtisadiyyatın və ticarətin inkişafına töhfə verən başqa sektorlarda da şirkətlərimiz var.
Yerevanda ticarət mərkəzimiz var, burada 109 pavilyon var. Biz digər sektorlarda müqavilələr imzalayacağıq, müqavilələrimizi barədə siz eşidəcəksiniz”.
