Bu il Ermənistan-Çin münasibətləri üçün tarixi ildir. Çin Xalq Respublikasının ER-dakı Fövqəladə və səlahiyyətli səfiri Li Sinvey jurnalistə müsahibəsində belə bir fikir söyləyib.
Səfirin sözlərinə görə, Ermənistan-Çin münasibətləri çox möhkəm təmələ malikdir və iki ölkə arasında əməkdaşlıq qarşılıqlı hörmət və etimada əsaslanır.
“Ermənistanda çox qısa müddət olsam da, Ermənistanın və erməni xalqının sülhə can atmaq istəyini hiss edə bilmişəm. İstər hökumət, istərsə də erməni xalqı inkişafa və çiçəklənməyə çalışır.
İnanıram ki, bu il qarşıya qoyduğumuz məqsədlərə nail olunacaq. Məqsədimiz Şanxay Əməkdaşlıq Təşkilatı vasitəsilə əməkdaşlığı inkişaf etdirməkdir”.
Avqustun sonunda Çində Şanxay Əməkdaşlıq Təşkilatının sammiti keçiriləcək və Ermənistan da həmin təşkilatın tərəfdaşıdır.
Baş nazir və digər rəsmi şəxslərlə görüşlərim zamanı mən Şanxay Əməkdaşlıq Təşkilatı çərçivəsində əməkdaşlığımızdan danışdım, çünki o, əvvəllər təhlükəsizlik sahəsində əməkdaşlığa yönəlmişdi, bu gün isə daha açıq platformadır və daha çox sektoru əhatə edir.
Şanxay Əməkdaşlıq Təşkilatı çərçivəsində əməkdaşlıq Ermənistanın inkişafına və təhlükəsizliyinə töhfə verəcək.
Bu, çoxtərəfli platformadır və biz münasibətlərimizi həmin çoxtərəfli platformaya çatdıra bilsək, bu, Ermənistanın milli təhlükəsizliyinin və inkişaf maraqlarının qorunmasında mühüm rol oynayacaq.
Başqa sözlə, biz təkcə ölkələrimiz arasındakı əməkdaşlıqda deyil, həm də Ermənistanın özünün daxili inkişafında irəliləyiş görəcəyik” – deyərək səfir bu ilin Ermənistan üçün mühüm il olduğunu və Çin tərəfinin qarşıya qoyulan məqsədlərin reallığa çevrilməsi üçün hər şeyi edəcəyini bir daha vurğuladı.
