Çin Ermənistanı öz vətəndaşlarını İrandan çıxarmaq üçün mümkün marşrut hesab edir
Çin Xarici işlər nazirliyi bildirib ki, onun səfirlikləri və konsulluqları iyunun 13-də vəziyyətin gərginləşməsindən sonra ölkəni tərk etmək istəyənlərə yardım təklif edir.
Çin Xarici İşlər Nazirliyinin sözçüsünə görə, Pekin atəşkəsə nail olmaq üçün İran, İsrail və digər tərəflərlə əlaqə saxlayır.
Çinin İrandakı səfirliyi iyunun 17-də insanları ölkəni tərk etməyə çağırıb. Diplomatik nümayəndəlik İranın quru sərhədlərinin də bağlanması riskinin olduğunu qeyd edib.
Bildirişdə İrandan çıxmaq üçün mümkün marşrutlar kimi Ermənistan, Türkiyə və Türkmənistan göstərilib. İyunun 17-də Çinin İsraildəki səfirliyi təhlükəsizlik vəziyyətinin pisləşdiyi barədə xəbərdarlıq edərək, Çin vətəndaşlarını quru sərhədləri vasitəsilə İsraili “mümkün qədər tez” tərk etməyə çağırıb.
Çin vətəndaşlarına İordaniya vasitəsilə ölkəni tərk etməyə çağırılıb. Həm İran, həm də İsrail hava məkanı bağlı qalır. İran hava məkanının bağlanmasının 18 iyun saat 02:00-a qədər uzadıldığını, İsrail isə ölkədə elan edilmiş fövqəladə vəziyyəti iyunun 30-dək uzadıb.
