Onlar suveren qeyri-nüvə dövlətinə təxminən 14 ton bomba atırlar. Bunu “Rossotrudniçestvo”nun Ermənistandakı rəhbəri Vadim Fefilov Yerevanda təşkil olunmuş “Yaxın Şərqdə vəziyyətin gərginləşməsi şəraitində Rusiyanın Cənubi Qafqaz ölkələri ilə əməkdaşlığa cari yanaşmaları” adlı konfransda deyib.
Onun sözlərinə görə, vəziyyəti iki sözlə “qaydasız qaydalar” kimi təsvir etmək olar.
Vadim Fefilov vurğulayıb ki, vəziyyətin kəskinləşməsi aktiv dezinformasiya ilə müşayiət olunur və bu cür yanaşma uzun illərdir ki, fəaliyyət göstərir.
Bununla bağlı o, 1990-cı illərdə Kosovoda özünün də şahidi olduğu bir misal çəkdi.
Vadim Fefilovun dediyi kimi, 1998-ci ildə Reuters agentliyi serblərdən qaçmağa cəhd etdiyi iddia edilən alban qadın və uşaqların görüntülərini yayıb.
Lakin məlumatlı həmkarlarının dediyinə görə, həmin vaxt kəndlərində işıq kəsildiyi üçün qadınlar məşhur serialın növbəti bölümünə baxmaq üçün qonşu kəndə gedirmiş.
Başqa sözlə, həm o vaxt, həm də indi dezinformasiya kampaniyasına böyük səylər və resurslar yatırılır və İran da istisna deyil”- deyərək Fefilov vurğulayıb.
