Bir ölkə, hansı ki, Ermənistanda kilsəyə ən çox zərbə vurub, indi həmin ölkənin Xarici Xİ kilsəni müdafiə edir
Bu barədə Xarici işlər nazirliyinin binası qarşısında keçirilən mətbuat konfransında “Respublika naminə” partiyasının sədri Arman Babacanyan bildirib.
“Rusiya qərar verib ki, ölkəmizin hüquqi işlərinə qarışsın. Terrorizm ittihamlarına və sübutlara heç bir reaksiya vermədilər, amma “kilsəyə hücumlar” məsələsinə narahat oldular.
Təəccüblüdür ki, Ermənistanda kilsəyə ən çox zərbə vuran bir ölkənin xarici işlər naziri indi həmin kilsənin müdafiəsi ilə məşğuldur.
Bu, ölkəmizin parçalanmış xarici siyasətinin nəticəsidir; Avrasiya İqtisadi İttifaqı və Kollektiv Təhlükəsizlik Müqaviləsi Təşkilatı ilə münasibətlər hələ də tamamilə kəsilməyib” – deyə siyasi xadim vurğulayıb.
Qeyd edək ki, RF Xarici işlər naziri Sergey Lavrov bu gün bildirib ki, “Ermənistanda yaranmış vəziyyət ölkənin daxili işidir, lakin kilsəyə hücumlar narahatlıq doğurur”.
Ararat Mirzoyan isə Lavrovun bəyanatına cavab olaraq deyib ki, Ermənistanda hakimiyyət tərəfindən kilsəyə qarşı mübarizə yoxdur və “cənab Lavrov Ermənistanın daxili işlərinə qarışmasın”.
Mətn factor.am-ə məxsusdur.
