Parlamentdən verilən məlumata görə, nümayəndə heyəti ABŞ Konqresinin Tədqiqat Mərkəzinin direktor müavini, Rusiya və Avropa məsələləri üzrə analitik Kori Uelth və Avropa məsələləri üzrə analitik Sara Qardinq ilə görüşərək Ermənistan-ABŞ münasibətlərini və regional xarakterli məsələləri müzakirə ediblər.
Atlantik Şurasının (Atlantic Council) Avrasiya Mərkəzinin baş direktoru Con Herbst və mərkəzin analitikləri ilə keçirilən görüşdə Ermənistanın xarici siyasət prioritetləri və Azərbaycanla sülh prosesi müzakirə olunub.
ABŞ Beynəlxalq Respublika İnstitutunun (IRI) Avrasiya üzrə baş direktoru Stiven Niks ilə görüşdə Milli Məclisin deputatları Beynəlxalq Respublika İnstitutu ilə parlamentin əməkdaşlığını vacib hesab ediblər və bu proqramların davamlı olacağına ümid etdiklərini bildiriblər.
Nümayəndə heyəti həmçinin Amerika Erməni Assambleyasının icraçı direktoru Brayan Arduni ilə də görüşüb. Görüş zamanı Ermənistan-ABŞ münasibətlərinin inkişafı və bu prosesdə Amerika erməni icmasının və təşkilatlarının iştirakına dair məsələlər müzakirə olunub.
Amerika İsrail İctimai Əlaqələr Komitəsinin (AIPAC) siyasət və hökumətlə əlaqələr üzrə baş direktoru Stiv Bekerman və siyasət və strateji məsələlər üzrə direktor Marvin Foyer ilə keçirilən görüşdə Cənubi Qafqaz və Yaxın Şərqdə təhlükəsizlik vəziyyəti, Ermənistan-ABŞ və Ermənistan-İsrail münasibətləri ilə bağlı məsələlərə toxunulub.
Amerika Yəhudi Komitəsinin (AJC) siyasi məsələlər üzrə rəhbəri Ceyson Ayzaks və komitə üzvləri ilə görüşdə Milli Məclisin deputatları Ermənistanın xarici siyasətinin xüsusiyyətlərini və Ermənistan-İsrail münasibətlərinin mahiyyətini təqdim ediblər.
Demokratiya Milli Fondunun (NED) Avrasiya regionu üzrə baş direktoru Miriam Lansko və ekspertlərlə görüşdə fondun Ermənistanda həyata keçirdiyi proqramlar və demokratik institutların inkişafı ilə bağlı məsələlər müzakirə olunub.
Açıq Cəmiyyət Fondu (OSF) siyasət analitiki Coşua Rasselə deputatlar Ermənistanda demokratik islahatların gedişi və ABŞ-ın bu prosesə dəstəyi barədə məlumat veriblər.
