ER Xİ nazirinin müavini Robert Abisqomonyan BMT Baş Katibinin Aparatının rəhbəri Erl Kortni Retri ilə görüşüb.
Bu barədə Ermənistan Xarici işlər nazirliyi məlumat verib.
Görüşdə BMT Baş Katibinin “BMT 80” təşəbbüsü ilə bağlı fikir mübadiləsi aparılıb və inklüzivlik və balansın təmin edilməsinin önəmi vurğulanıb.
Cənubi Qafqazda mövcud vəziyyətə toxunulub. Xarici İşlər Nazirinin müavini Robert Abisqomonyan bölgədə sülh gündəliyinin irəli aparılması istiqamətində Ermənistanın öhdəliyini təsdiqləyərək, həmkarına Ermənistan hökuməti tərəfindən hazırlanmış “Sülh kəsişməsi” konsepsiyasını təqdim edib.
2026-cı ildə Ermənistanda keçiriləcək BMT Biomüxtəliflik Konvensiyasının tərəflərinin 17-ci konfransı (COP17) ərəfəsində Ermənistan tərəfindən həyata keçirilən işlər barədə də fikir mübadiləsi aparılıb.
