Baş nazir Nikol Paşinyan Ukraynanın baş naziri Yuliya Sviridenkoya baş nazir təyin olunması münasibətilə təbrik məktubu göndərib.
Armenpress-ə ER baş nazirinin ofisindən verilən məlumata görə, təbrikdə deyilir: “Ukraynanın baş naziri təyin olunmağınız münasibətilə təbriklərimi qəbul edin. Ermənistan Ukrayna ilə əlaqələrin daha da genişlənməsinə və dərinləşməsinə böyük əhəmiyyət verir.
Əminəm ki, birgə səylər sayəsində ticarət-iqtisadi və humanitar sahələrdə əməkdaşlığın genişləndirilməsini vurğulayaraq, Ermənistan və Ukrayna arasında əməkdaşlıq potensialının reallaşdırılmasını təmin etmək mümkündür.
Ümid edirəm ki, Ermənistan Respublikası ilə Ukrayna arasında iqtisadi əməkdaşlıq üzrə hökumətlərarası birgə komissiyanın ardıcıl işi qarşılıqlı faydalı əməkdaşlığın keyfiyyətcə yeni səviyyəsini təmin edə, əlaqələrin inkişafı və perspektiv proqramların həyata keçirilməsi üçün əlverişli şərait yarada bilər.
Sizə cansağlığı və bütün işlərinizdə uğurlar, Ukrayna xalqına sülh və firavanlıq arzulayıram”.
