Zaxarova Ukrayna təhlükəsizlik xidmətini Moskva ilə Bakı arasındakı ziddiyyətlərdən sui-istifadə etməkdə ittiham edib

Ukrayna Təhlükəsizlik Xidməti Rusiya ilə Azərbaycan arasında mövcud olan ziddiyyətlərdən milli zəmində nifrət salmaq üçün istifadə etməyə hazırlaşır. Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə qeyd edib ki, Rusiyadan pullu qaçanların təxribat aksiyalarına cəlb olunması planlaşdırılır.

“Bizdə olan məlumatlara görə, Ukrayna Təhlükəsizlik Xidməti Rusiya ilə Azərbaycan arasında mövcud ziddiyyətlərdən istifadə edərək milli zəmində nifrət və düşmənçiliyi qızışdırmaq niyyətindədir. Xüsusilə, Azərbaycan vətəndaşlarına, nümayəndəliklərinə və Rusiya bayrağı altında mədəniyyət obyektlərinə qarşı təxribat törətməyə hazır olan rus qaçqınlarını öz sıralarına ödənişli şəkildə cəlb etmək planlarından xəbərdarıq.

İdeya ondan ibarətdir ki, bu cür təxribatlar uğurla həyata keçirilərsə, Azərbaycan, Türkiyə və Avropa mediasında Rusiyanın təcavüzü ilə bağlı viral məlumatlar yayılacaq”, – Zaxarova bildirib.