Aşağıda təqdim olunan mətn, akademik, şərqşünas Ruben Safrastyanın Ermənistan və Azərbaycan arasında mümkün olan sülh müqaviləsi, Türkiyənin bu prosesdəki maraqları və Cənubi Qafqazda dəyişən geosiyasi reallıqlar haqda fikirlərinin Azərbaycan dilinə tərcüməsidir.
Akademik, şərqşünas Ruben Safrastyan Factor TV-yə müsahibəsində vurğulayıb ki, son illərdə Türkiyənin Ermənistana qarşı siyasəti dəyişib.
Onun fikrincə, bu dəyişiklik, Rusiyanın bölgədəki təsirinin son beş ildə əhəmiyyətli dərəcədə zəifləməsindən sonra, Türkiyənin Cənubi Qafqazda təsirini gücləndirmək üçün strateji maraqları ilə bağlıdır.
Məhz buna görə də, Türkiyə tərəfi Ermənistan və Azərbaycan arasında sülh müqaviləsinin mümkün qədər tez imzalanmasında maraqlıdır.
Şərqşünas qeyd edir ki, bölgədəki türk kommunikasiya layihələri, o cümlədən, Kars–Diluca–Naxicevan dəmir yolunun inşası və gələcəkdə Azərbaycanın əsas ərazisinə çıxış təmin edəcək başqa layihələr də eyni strateji hədəfə xidmət edir.
Ruben Safrastyan hesab edir ki, Qərbdə Ermənistan məsələsinə Türkiyəyə təsir edə bilən yeganə ölkə ABŞ-dır.
Bununla yanaşı, Qərb üçün Türkiyə ilə münasibətlər Ermənistanla münasibətlərdən daha əhəmiyyətli və sabitdir.
O, həm də vurğulayıb ki, Türkiyə ilə münasibətlərin normallaşması Ermənistanın maraqlarına uyğundur və bu, ölkənin nəqliyyat blokadasından çıxmasına kömək edə bilər.
