Jurnalist Tramp-Paşinyan-Əliyev zirvə görüşünün əsas mövzusunu açıqlayıb

Artıq “dəhliz” anlayışı yoxdur. Tramp-Paşinyan-Əliyev zirvə görüşünün əsas mövzusu “Trampın Beynəlxalq Sülh və İnkişaf Marşrutu” (TRIPP) adlanan yeni tranzit və inkişaf proqramı olacaq.

Bu barədə sosial şəbəkələrdə jurnalist Aleks Raufoglu məlumat verib.

“Trampın marşrutu” adlanan infrastruktur inkişaf proqramı, hansı ki, Ermənistanla Azərbaycanı birləşdirməlidir, Ağ Evdə keçiriləcək sülh zirvə görüşündə təqdim ediləcək.

“Bu cümə Tramp, Paşinyan və Əliyev arasında keçiriləcək görüş ərəfəsində mən bir neçə amerikalı rəsmilərlə danışdım.

Cümə günü baş tutacaq zirvə görüşü yekun sülh sazişi olmayacaq, lakin uzunmüddətli sülh üçün əsas yaradan mühüm bir addım olacaq. Liderlər bir sıra sənədlərə imza atacaqlar” – deyə o, bildirib.