ABŞ Prezidenti Donald Trump cümə günü Ağ Evdə Ermənistan və Azərbaycan rəhbərlərini qəbul edəcək və görüşün kuliminasiya nöqtəsi Cənubi Qafqazda strateji tranzit dəhlizi üzrə ABŞ-yə müstəsna hüquqlar verən sülh çərçivə sazişinin imzalanması olacaq.
Bu haqda Reuters-a rəsmilər bildirib. İnformasiya agentliyi qeyd edir ki, sülh çərçivə sazişi Cənubi Qafqazı dəyişə bilər – bu, Rusiyaya, Avropaya, Türkiyəyə və İrana sərhəd olan, neft və qaz kəmərləri ilə kəsişən, lakin bağlı sərhədlər və uzunmüddətli etnik münaqişələrlə parçalanmış enerji təchizatçısı regiondur.
Şəxsiyyətlərini açıqlamamaq şərtilə danışan amerikalı rəsmilər bildirib ki, Azərbaycan prezidenti İlham Əliyev və Ermənistan Baş naziri Nikol Paşinyan danışıqlar və imza mərasimi üçün Ağ Evdə Trampa qoşulmalıdırlar.
Rəsmilər dedilər ki, onlar “konkret sülh yolu”na nail olmağı və uzun müddətdir həll olunmayan tranzit məsələsini həll etməyi hədəfləyən çərçivə sənədini imzalamalıdırlar.
Reuters yazır: “Azərbaycan Ermənistan ərazisindən keçən nəqliyyat dəhlizi tələb edib ki, bu da onun ərazisinin böyük hissəsini Bakının müttəfiqi Türkiyəyə sərhəd olan Azərbaycan anklavı Naxicevanla birləşdirəcək.
Cümə günü rəhbərlər tərəfindən imzalanacaq sənədlərin ətraflı müzakirə olunmuş bəndinə görə, Ermənistan Birləşmiş Ştatlara uzunmüddətli tranzit dəhlizi üzrə müstəsna xüsusi inkişaf hüquqları verməyi nəzərdə tutur.
Bu dəhliz “Tramp marşrutu: Beynəlxalq sülh və rifah yolu” (Trump Route: Pathway for International Peace and Prosperity) adlandırılacaq və TRIPP abbreviaturası ilə tanınacaq.
Rəsmilər qeyd edib ki, marşrut Ermənistan qanunvericiliyinə uyğun idarə olunacaq və Birləşmiş Ştatlar infrastruktur və idarəetmə üçün konsorsiuma torpaq/ərazi icarəyə verəcək”.
Rəsmilərdən biri demişdir:
“Bu addım regionu ticarət baxımından açacaq və sonrakı hərbi əməliyyatların qarşısını alacaq”.
Onlar qeyd ediblər ki, Ermənistan və Azərbaycan rəhbərləri həm də münaqişənin vasitəçiliyi üçün 1992-ci ildən bəri Fransa, Rusiya və Birləşmiş Ştatların birgə rəhbərlik etdiyi Minsk qrupunun buraxılmasını tələb edən sənədləri imzalayacaqlar.
İnformasiya agentliyi yazır ki, erməni-azərbaycan məsələsi ətrafında irəliləyiş mart ayında, ABŞ-nin Xüsusi Təmsilçisi Stiv Viktoun regiona səfəri zamanı başlayıb.
Onun komandasının üzvləri daha sonra sazişə nail olmaq üçün oraya bir neçə dəfə səfər ediblər.
Ağ Evdəki görüş elə gün baş tutacaq ki, həmin gün Rusiya Prezidenti Vladimir Putin üçün Tramp tərəfindən müəyyən edilmiş son müddət – Ukraynaya təcavüzü dayandırmaq tədbirləri ilə razılaşmaq müddəti bitir: əks halda o, əlavə iqtisadi sanksiyalara məruz qalacaq.
Əlavə edək ki, Vaşinqtonda yaşayan azərbaycanlı jurnalist Aleks Raufoğlu Kyiv Post-da dərc olunmuş məqaləsində Vaşinqtondakı görüşdən və imzalanacaq sənədlərdən daha əvvəl detalları açıqlamışdı.
Mətn factor.am-ə məxsusdur.
