Ermənistan Baş naziri Nikol Paşinyan Vaşinqtonda erməni jurnalistlərlə söhbətində regional rabitələrin blokadasının aradan qaldırılmasında Rusiyanın vasitəçiliyinin niyə uğursuz olduğunu şərh etdi.
Paşinyan qeyd etdi ki, razılığa gəldikləri eyni prinsiplər çərçivəsini Ermənistan tərəfindən Rusiya Federasiyasına da təklif edilmişdir:
“Xatırlayırsınız ki, regional rabitələr məsələsi ilə məşğul olan üçtərəfli işçi qrup mövcud idi. Biz həmişə bu məntiq üzrə işləməyə hazır olduğumuzu bildirdik və bizə heç vaxt aydın olmadı ki, niyə bilavasitə və ya dolayı yollarla bu işə mane olundu.
Bu həyata keçmədi, çünki gördük ki, prosesləri elə istiqamətləndirməyə çalışırdılar ki, Ermənistanın suverenliyi, ərazi bütövlüyü və səlahiyyətləri aşağı salınsın.
Biz buna heç cür razı ola bilməzdik. Heç kim bizi səmimiyyətsizlikdə günahlandıra bilməz, çünki biz həmişə demişik: bu bizim üçün qırmızı xəttdir.
Bu baxımdan vəziyyətin dəyişməsi ondan ibarətdir ki, (ABŞ ilə imzalanan) bu mətndə hər şey daha aydın qeyd edilib” — deyə Paşinyan qeyd edib.
