Ermənistan və Azərbaycan arasında sülh sazişi etibarlı və davamlı sülhün bərqərar olunması üçün möhkəm əsasdır. Alınan məlumata görə, sazişin mətni Xarici işlər nazirliyi tərəfindən dərc edildikdən sonra Ermənistanın Baş naziri Nikol Paşinyan bu barədə “Facebook” səhifəsində yazıb.
“Odur ki, Ermənistan və Azərbaycan arasında Sülh və dövlətlərarası münasibətlərin qurulması haqqında sazişin mətni təqdim olunur.
Bu saziş Vaşinqtonda ilkin olaraq imzalanıb. Bu Saziş etibarlı və davamlı sülhün bərqərar olunması üçün möhkəm əsasdır, Ermənistan və Azərbaycan arasında əldə olunmuş razılaşmanın nəticəsidir və hər iki ölkənin balanslaşdırılmış maraqlarını ifadə edir” – deyərək Paşinyan yazıb.
