Azərbaycan prezidenti İlham Əliyev ABŞ prezidenti Donald Trampın Afrika, Asiya və Cənubi Qafqazdakı rolunu yüksək qiymətləndirərək, onu “sülh istəyən” lider adlandıraraq, Nobel Sülh Mükafatına “həqiqətən layiq olduğunu” deyib.
Əliyev “Al Arabiya” telekanalına eksklüziv müsahibəsində deyib: “Biz Ermənistanla birlikdə prezident Trampı Nobel Sülh Mükafatına namizəd göstərmişik. O, həqiqətən buna layiqdir”.
“O, Afrikada, Asiyada və Cənubi Qafqazda möcüzələr yaradıb. Onun xarakteri, mahiyyəti budur. O, sülh istəyir. O, ənənəvi Qərb lideri imicindən tamamilə fərqli bir insandır. O, çox mehribandır”, – Azərbaycan prezidenti bildirib.
Əliyev həmçinin ABŞ prezidentini “çox səxavətli” adlandırıb.
“O, o qədər səxavətli idi ki, bütün [bu] hədiyyələri, hətta nəzərdə tutulduğundan da çox verdi. O, [həqiqətən] böyük hörmətə layiq insandır”, – deyə Əliyev qeyd edib.
Müsahibə zamanı Əliyev bildirib ki, onun Trampa münasibəti həmişə müsbət olub.
“Bir siyasətçi kimi ona münasibətim, hətta onun prezident kimi ilk dövründə də həmişə müsbət olub, baxmayaraq ki, o vaxt görüşmək imkanımız olmayıb”.
Əliyev əlavə edib ki, Tramp vəzifəsini itirməsinə baxmayaraq, ləyaqət nümayiş etdirib.
“Deməli, o, prezident olmayanda özünü çox ləyaqətli aparırdı: “O, böyük cəsarət və ləyaqət göstərdi. Bütün bu bataqlıq qurbağaları ilə Amerikaya qayıtmaq üçün, bilirsiniz ki, USAID, Radio Free Europe, The Washington Post, The New York Times, The Wall Street Journal, Newsweek kimi saxta xəbər agentlikləri – hamısı ona qarşı idi. Hamısı onu, məsələn, məni şeytanlaşdırdıqları kimi iblis edirdilər. Ola bilsin ki, çox deyil, eyni şəkildə”, – deyə o bildirib.
