ABŞ Ermənistanda öz nüfuzunu artırır: Ermənistanın müstəqilliyindən bəri ABŞ ölkəyə təxminən 2 milyard dollar investisiya yatırıb. Bu barədə The Washington Times məlumat yayıb.
:
“Silikon Vadisindən olan Synopsys da daxil olmaqla 70-dən çox ABŞ şirkəti (onlardan 1000-dən çoxu Ermənistanda mühəndis işlədir) texnologiya, mədən və infrastruktur kimi sahələrdə fəaliyyət göstərir. Ermənistanda həmçinin ABŞ maraqlarını ölkənin mədən və enerji sektorunda əks etdirən əhəmiyyətli xarici investisiya layihəsi olan Texelut mis-molibden mədəni yerləşir”- deyə məqalədə qeyd olunur
Azərbaycanda isə Exxon Mobil, Chevron və ConocoPhillips kimi ABŞ neft nəhəngləri, Xəzər neftini Avropaya daşıyan Bakı-Tbilisi-Ceyhan boru kəmərinin inşasına böyük investisiyalar ayırıb.
“Zəngəzur dəhlizi” eyni zamanda Türkiyənin Azərbaycandakı təsirini gücləndirir və onun Mərkəzi Asiyadakı mövcudluğunu genişləndirir.
ABŞ-nin vasitəçiliyi sayəsində Türkiyə öz artan nüfuzunu idarə etmək üçün regionda daha əlverişli mövqelər əldə edir.
Bakı üçün TRIPP dəhlizi (Trans-Anatolyan Təbii Qaz Boru Kəməri) təkcə geosiyasi deyil, həm də enerji əhəmiyyəti daşıyır.
Xəzər qazını və neftini Avropaya birləşdirərək, Rusiya tərəfindən nəzarət olunan marşrutlara alternativ yaradır və Avropanın Moskvadan asılılığını azaldır.
Tehran TRIPP dəhlizini özünün regional üstünlüyünə birbaşa təhdid hesab edir.
ABŞ və Türkiyənin addımları qarşısında həyəcanlanan Moskva isə ehtiyatlı mövqe tutmaqda davam edir.
Saziş hələ əlavə hüquqi və siyasi addımlar tələb etsə də, əgər uğurla həyata keçsə, bütün Avrasiyada ticarəti, enerjini və ittifaqları yenidən formalaşdıra bilər.
