Hökumət “Ermənistan Respublikası ilə Çin Xalq Respublikasının hökumətləri arasında sərnişin və yüklərın beynəlxalq avtomobil yolu ilə daşınması haqqında” sazişin imzalanması təklifini təsdiqləyib.
Əsaslandırmaya görə, iki ölkə arasında avtomobil nəqliyyatı ilə sərnişin və yük daşımaları sahəsi tənzimlənməyib, bu isə iki ölkə arasında daşımaların həyata keçirilməsinə və iqtisadi əməkdaşlığa mane olur.
Saziş iki ölkə arasında avtomobil nəqliyyatı ilə müntəzəm sərnişin və yük daşımalarının həyata keçirilmə prosesini tənzimləməyə imkan verəcək.
Sazişdə nəzərdə tutulan müddəalar avtomobil nəqliyyatı ilə daşımaların beynəlxalq sazişlərinə və müqavilə tərəfi dövlətlərin qanunvericiliyinə uyğun gəlir.
Saziş iki ölkə arasında qarşılıqlı iqtisadi və işgüzar əlaqələrin gücləndirilməsinə, avtomobil yolu ilə dövlətlərarası daşımalar sahəsinin inkişafına, beynəlxalq nəqliyyat dəhlizləri çərçivəsində əməkdaşlığın genişlənməsinə töhfə verəcək.
