Ermənistan səhiyyənin keyfiyyətinin yaxşılaşdırılması üçün Asiya İnkişaf Bankından 45,3 milyon avro kredit cəlb edəcək
Ermənistan hökuməti səhiyyə sektorunda keyfiyyətin yaxşılaşdırılması üçün nəticələrə əsaslanan kreditləşdirmə proqramı çərçivəsində Asiya İnkişaf Bankından 45,3 milyon avro məbləğində kredit cəlb edəcək.
“Səhiyyə sektorunda keyfiyyətin yaxşılaşdırılmasına yönəlmiş nəticəyə əsaslanan kredit proqramı planlaşdırılır”, – deyə Ermənistan Respublikasının səhiyyə nazirinin müavini Lena Nanuşyan bildirib.
O qeyd edib ki, keyfiyyətin yüksəldilməsi bir sıra sahələri əhatə edir: infrastrukturun təkmilləşdirilməsi, proseslərin təşkili, tibbi xidmətlər haqqında məlumatların toplanması və digər tədbirlər.
“Asiya İnkişaf Bankı nəticələrə əsaslanan kreditləşdirmə proqramı vasitəsilə 45,3 milyon avro dəyərində kredit cəlb etməyi təklif edir. Kredit proqramının məqsədi səhiyyə sistemində keyfiyyətin inkişafına və keyfiyyətin təminatına kömək etməkdir”, – nazir müavini bildirib.
