Sentyabrın 3-də Ermənistan Təhlükəsizlik Şurasının katibi Armen Qriqoryan Cənubi Qafqaz və Gürcüstandakı böhran məsələləri üzrə Avropa İttifaqının xüsusi nümayəndəsi Magdalena Qrononu qəbul edib.
Ermənistan Təhlükəsizlik Şurasının mətbuat xidmətindən jurnalistə bildirilib ki, görüş zamanı avqustun 8-də Vaşinqtonda Azərbaycan, Ermənistan və ABŞ rəhbərləri tərəfindən imzalanmış Bəyannamə və yaradılacaq iqtisadi imkanlar müzakirə olunub.
Mənbənin sözlərinə görə, tərəflər bölgədə kommunikasiya yollarının blokadadan çıxarılması məsələsinə də toxunublar və bu çərçivədə Armen Qriqoryan mövcud iqtisadi potensialı təqdim edib.
Həmçinin, Ermənistan-Avropa Birliyi ikitərəfli gündəliyinə dair məsələlər də müzakirə olunub.
