Ermənistan KİV-i xəbər verir ki, ABŞ-ın müxtəlif dairələrinin nümayəndələri Tramp marşrutu layihəsi (TRIPP) üzrə danışıqlar aparmaq üçün gələn həftə Ermənistana səfər edəcəklər.
Qeyd olunur ki, Amerika nümayəndə heyəti layihənin təkcə texniki deyil, həm də siyasi detallarını müzakirə edəcək. Gündəliyə investisiyalar, prioritetlər və tikinti işlərinin başlama tarixi daxildir.
Danışıqlar bağlı qapılar arxasında aparılacaq. Mənbələrin qeyd etdiyi kimi, qəbul edilən qərarlar regionda yeni logistik reallığın formalaşmasına birbaşa təsir göstərə bilər.
Məsləhətləşmələr Cənubi Qafqazın nəqliyyat və ticarət arxitekturasını dəyişə biləcək gələcək strateji layihənin müəyyənləşdirilməsində mühüm addım kimi qiymətləndirilir.
