“Mən sevgi vasitəsilə intiqam alacağam S. Paracanov” filmi ilk dəfə festival formatında ABŞ-da da nümayiş etdiriləcək
Sergey Paracanovun anadan olmasının 100 illiyinə həsr olunmuş yubiley tədbirləri çərçivəsində çəkilən “Sevgi vasitəsilə intiqam alacağam – S. Paracanov” filmi ilk dəfə festival formatında ABŞ-da da nümayiş etdiriləcək.
Alınan məlumata görə, Təhsil, Elm, Mədəniyyət və İdman azirliyindən bildirilib ki, Ermənistan-Fransa birgə istehsalı olan “Bumeranq Media.am” şirkəti filminin ABŞ premyerası 14 sentyabrda Nyu Cersi Beynəlxalq Film Festivalı çərçivəsində baş tutacaq, daha sonra isə 20 sentyabrda Sietl Film Festivalında xüsusi proqramla nümayiş etdiriləcək.
Filmin dünya premyerası Venesiyaın 81-ci Beynəlxalq Film Festivalı çərçivəsində baş tutmuş, daha sonra Belçikanın Gent, Argentinanın Mar-del-Plata və digər nüfuzlu film festivallarında nümayiş etdirilmişdir.
“Sevgi vasitəsilə intiqam alacağam – S. Paracanov” sənədli filmi Ermənistanın Təhsil, Elm, Mədəniyyət və İdman nazirliyinin, Ermənistan Film Fonduunun (hüquqi sələfi: Ermənistan Milli Kinomərkəzi), Fransa Respublikasının Kinematografiya və Hərəkətli Görüntü Milli Mərkəzinin (CNC) və Fransanın Cine+ təşkilatının dəstəyi ilə çəkilmişdir.
Filmin prodüserləri Ani Vorskanyan (“AVA Films”) və Zara Can (“Bumeranq Media.am”) olub. Filmin fransız tərəfinin birgə prodüseri Stefan Jurdendir.
Altı aylıq birgə işin nəticəsində festivalın təşkilatçıları və “Bumeranq Media.am” şirkətinin direktoru Zara Can “KİNO ERMƏNİSTAN: Keçmiş və İndinin Üçlüyü” (“Kino Armenia: Triad of Past and Present”) başlıqlı eksklüziv proqram hazırlamışlar ki, buraya üç erməni rejissorunun əsərləri daxil edilib: dahi kinorejissor Sergey Paracanovun “Nar rəngi”, Kanada ermənisi kinorejissor Atom Eqoyanın “Təqvim”i və Zara Canın “Sevgi vasitəsilə intiqam alacağam” sənədli filmi.
Proqram keçmişlə indi arasında mədəni unikal körpüdür ki, erməni kinosunun çoxqatlı xarakterini və bədii dəyərini vurğulayır.
Filmlərin nümayişindən əlavə, Sietl proqramı çərçivəsində digər tədbirlər, o cümlədən erməni musiqiçilərinin iştirakı ilə konsert, erməni incəsənətinə həsr olunmuş sərgi, həmçinin Sergey Paracanovun yaradıcılıq motivlərini təqdim edən tematik künc nəzərdə tutulub.
