Ermənistanın Müdafiə nazirinin müavini Hraçya Sarkisyan 2026-cı il büdcəsi ilə Müdafiə nazirliyinə ayrılan məbləğin azalıb-azalmayacağını bilmir.
“Bu il həyata keçirdiyimiz işlərin həcmi gələn il də eyni miqyasda davam edəcək. Orta müddətli proqramlarla təsdiq edilmiş və planlaşdırılmış işləri həyata keçiririk, eyni xərcləri ödəyəcəyik.
Büdcə dekabr ayında parlamentdə təsdiqlənəcək. Hesab edirəm, o zaman təsdiqlənəndə daha aydın olar. Amma yanaşma belədir: orta müddətli xərclər proqramı ilə təsdiq etdiyimiz eyni məbləğ gələn il də olacaq.
Əgər sizin, əgər sualınız elədir ki, bizim müdafiə nazirliyi öz funksiyalarını yerinə yetirmək üçün müxtəlif vasitələr əldə edə bilməyəcək və ya daha az əldə etməyə başlayacaq, sizə təmin edirəm ki, Müdafiə nazirliyi 2024-cü ildə işlədiyi eyni məntiqlə 2025-də və 2026-cı ildə də işləyir” – deyə o, qeyd edib.
Jurnalistlərin Azərbaycanın intensiv silahlandığı, Ermənistanın isə Müdafiə nazirliyinin xərclərini artırmadığı ilə bağlı müşahidəsinə Sarkisyan cavab olaraq bildirdi ki, Azərbaycanın hərbi büdcəsi son 30 ildə Ermənistan Respublikasının dövlət büdcəsindən bir neçə dəfə çox olub.
”Sizin sorğunuz və istəyiniz bütün dövlət büdcəmizi elə artırmaq olsun ki, Azərbaycanın hərbi büdcəsinə çataq, bu mümkün deyil” – deyə Müdafiə nazirinin müavini qeyd etdi.
