ABŞ Nümayəndələr Palatasının Xarici Əlaqələr Komitəsi Dövlət Katibliyinin səlahiyyətləri haqqında qanunvericilik dəyişikliyini təsdiqləyib.
Bunu Amerika Erməni Məsələləri Komitəsi (ANCA) bildirir. Qeyd edilir ki, təklifi Konqresmen Geyb Amon irəli sürüb.
Dəyişiklik erməni əsirlərinin azad edilməsi, Qərbi Azərbaycan ərazisindəki ermənilərin təhlükəsiz qayıdışı və erməni mədəniyyət obyektlərinin qorunması məsələlərini əhatə edir.
Bundan əlavə, komitə Konqresmen Dina Titus tərəfindən irəli sürülən Dövlət Katibliyinin səlahiyyətlərinə dair başqa bir qanun dəyişikliyini də təsdiqləyib.
Bu dəyişiklik ABŞ-in Türkiyənin Rusiya istehsalı S-400 sistemlərini yerləşdirməsi ilə bağlı hərtərəfli hesabat hazırlamasını tələb edir.
Dəyişiklikdə vurğulanır:
Türkiyənin Rus S-400 sistemlərini yerləşdirməsi nəticəsində yaranan davamlı milli təhlükəsizlik riskləri
Türkiyənin NATO standartlarından getdikcə artan uzaqlaşması (o cümlədən F-35 kimi qabaqcıl sistemlərdən istifadə edərək ittifaq qüvvələri ilə birgə əməliyyatlar aparmaq qabiliyyəti)
Türkiyənin müdafiə sektoruna qarşı ABŞ tərəfindən hazırkı sanksiyaların effektivliyinin qiymətləndirilməsi
Türkiyənin Rusiyanın hərbi və kəşfiyyat xidmətləri ilə əməkdaşlığı barədə daha çox şəffaflığa çağırış.
