Ermənistan ABŞ-la strateji əlaqələr qurub, Fransa ilə xüsusi tərəfdaşlığa malikdir, Rusiya Federasiyası ilə qarşılıqlı hörmətə əsaslanan strateji tərəfdaşdır, bu yaxınlarda Çinlə strateji tərəfdaşlıq müqaviləsi imzalayıb, Yaponiya, Hindistan, İran, Gürcüstanla xüsusi əlaqələri var. Müstəqillik əldə etdikdən sonra bizim heç bir diplomatik münasibətimiz olmayan Pakistan və Səudiyyə Ərəbistanı ilə son vaxtlar diplomatik əlaqələr qurulub. Bunu Parlamentin sədrinin müavini Hakob Arşakyan “Ermənistan və Azərbaycan arasında sülhün bərqərar edilməsi haqqında” Parlamentin bəyanatı layihəsinin müzakirəsi çərçivəsində çıxışı zamanı deyib.
“Bu sülh prosesi istər-istəməz həm də yaxın qonşularımız olan Türkiyə və Azərbaycanla diplomatik münasibətlərin və sülhün qurulmasına, eləcə də uzunmüddətli, yaşaya bilən sülhə gətirib çıxaracaq.
Hakob Arşakyan onu da vurğulayıb ki, bu sülh yolu iş adamları və vətəndaşlar üçün əlverişli mühit təmin edəcək və artıq təmin edib.
