Azərbaycan hökuməti 2030-cu ilə qədər müdafiə və milli təhlükəsizlik üçün büdcə xərclərini 7,969 milyard manata (indiki məzənnə ilə 4,69 milyard dollar) azaltmağı planlaşdırır.
Respublika Maliyyə Nazirliyinin saytında dərc olunmuş ortamüddətli büdcə materiallarına əsasən, 2026-cı ildə bu məqsədlər üçün xərclər 8 milyard 715 milyon manat (bugünkü məzənnə ilə 5,12 milyard dollar) proqnozlaşdırılır.
Beləliklə, Azərbaycan hakimiyyəti 2026-2029-cu illərdə müdafiə və milli təhlükəsizlik xərclərini 8,6% azaldacaq. 2026-cı ildə müdafiə xərcləri bütün dövlət büdcəsi xərclərinin 20,9%-ni təşkil edəcək. 2029-cu ildə bu pay 18,4%-ə qədər azalacaq.
Azərbaycanın 2025-ci il dövlət büdcəsində müdafiə və milli təhlükəsizlik xərcləri 8,396 milyard manat (4,94 milyard dollar) nəzərdə tutulub. Oktyabrın 16-na olan rəsmi məzənnə 1 dollar üçün 1,7 manat təşkil edir.
