Ermənistan və Azərbaycanın prezidentləri Şarm əl-Şeyxdə ABŞ prezidenti Donald Trampın dəvəti ilə keçirilən Qəzza məsələsinə dair sülh sammitində iştirak ediblər։
Tramp bir neçə dəfə Ermənistan və Azərbaycanın adlarını səhv tələffüz etdikdən, Paşinyanın adını xatırlaya bilməyib onu “digər oğlan” adlandırdıqdan sonra, Ermənistanda müxalifət tərəfindən müəyyən skeptisizm yaranıb — iddia olunur ki, Tramp üçün bu region önəmli deyil, o, Ermənistan-Azərbaycan prosesinə ciddi yanaşmır, sülhə təminatçı kimi çıxış etmək niyyətində deyil։
ABŞ-ın Nevada Universitetinin siyasi elmlər üzrə professoru Nerses Kopalyan Factor TV-yə müsahibəsində bildirib ki, prezident Trampın unutqanlığı bu məsələnin əhəmiyyətsizliyinin göstəricisi deyil։
Son günlər Ermənistanın ikinci prezidenti Robert Köçəryan da mətbuat konfransında Paşinyanı tənqid edərək iddia edib ki, o, ABŞ-dan sülh təminatı gətirməyib, üstəlik, Amerikaya “dəhliz” verib։
Kopalyan bu iddialara cavab olaraq deyib:
“Bu, savadsız bir fikirdir ki, guya ABŞ Ermənistandan dəhliz alır։ Xeyr, sadəcə maraqlarımız üst-üstə düşür։ Cənab Koçaryan Rusiyayla “xidmətçi məntiqi” əsasında işləməyə öyrəşib։
Məsələ bundadır ki, Ermənistan və ABŞ-ın maraqları üst-üstə düşür, bu da bizə sərhəd və təhlükəsizlik imkanlarımızı formalaşdırmağa kömək edəcək, sərhədimizi özümüz qoruyacağıq
ABŞ “Trampın dəhlizi”nə nəzarət etməyəcək, nəzarət mexanizmləri Ermənistanla birlikdə müəyyən ediləcək։ Müxalifətin ‘dəhliz verildi’ iddiası saxtadır” — deyə Nerses Kopalyan bildirib։
O, əlavə edib ki, ABŞ Konqresində “Sülh Aktı” adlanan qanun layihəsi müzakirəyə çıxarılacaq, bu layihə Azərbaycanın avqustun 8-də əldə olunmuş razılaşmalardan imtina etməsi halında Əliyev ailəsinə qarşı sanksiyaların tətbiqini nəzərdə tutur. Kopalyan, bu layihənin həmmüəlliflərindən biri kimi, açıqlayıb.
“Əgər Azərbaycan Ermənistana hücum edərsə, ABŞ prezidenti sanksiyalar tətbiq edəcək։ Qanun layihəsi Konqresdə müzakirə olunacaq, Dövlət Departamenti razılığını verib.
Azərbaycan avqustun 8-i razılaşmalarından imtina edib Ermənistana qarşı aqressiyaya gedərsə, ABŞ sanksiyalar tətbiq edəcək։ Konqresdə qanun layihəsi dövriyyədədir və onun qəbul olunması ehtimalı çox yüksəkdir,” — deyə Nerses Kopalyan qeyd edib։
Mətn factor.am-ə məxsusdur.
