Politoloq Armen Petrosyan hesab edir ki, avqustun 8-də Vaşinqtonda əldə olunan razılaşmalardan sonra və başlayan proses kontekstində Ermənistanla Azərbaycan arasında sülh quruculuğu prosesinin güclənməsi müşahidə olunur.
Armen Petrosyan “Armenpress”ə müsahibəsində Qazaxıstan buğdasının ilk partiyasının yaxın vaxtlarda Azərbaycan ərazisindən Ermənistana daxil olacağı ilə bağlı məlumatlara, eləcə də Azərbaycan prezidenti İlham Əliyevin Azərbaycanın Ermənistana yüklərin tranzitinə qoyulan bütün məhdudiyyətləri aradan qaldırdığı bəyanatına toxunub.
“Həm Ermənistan, həm Azərbaycan, həm də müxtəlif regional və beynəlxalq aktorlar sülh prosesini təşviq etməyə və dəstəkləməyə çalışırlar və bu kontekstdə faktiki olaraq müxtəlif təşəbbüslər həyata keçirilir. Biz artıq ikitərəfli ritorikada kəskin dəyişiklik, sülh haqqında daha tez-tez və müsbət danışıq, əməkdaşlığın perspektivləri ilə bağlı müxtəlif proqnozlar, imkanların vurğulanması və əlbəttə ki, praktiki addımların həyata keçirildiyini görürük”, – Petroyan bildirib.
O, son vaxtlar intensivləşən ikitərəfli yüksək səviyyəli danışıqlara toxunub. Müvafiq olaraq, istər xarici işlər nazirləri, istərsə də baş nazirin müavinləri səviyyəsində iki ölkənin liderləri və digər rəsmi şəxslər ikitərəfli təmasların olması və sülh prosesinin gücləndirilməsi imkanlarından istifadə edirlər.
“Bundan başqa, həm üçüncü ölkələrdə, həm də Ermənistanda və Azərbaycanda təşkil olunan tədbirlər çərçivəsində iki ölkənin yuxarıda adları çəkilən dairələrinin nümayəndələrinin görüşü zamanı ictimai-siyasi dairələr arasında təmasların intensivləşməsi də müşahidə olunur. Azərbaycan prezidentinin Azərbaycanın Ermənistana yüklərin tranzitinə qoyulan bütün məhdudiyyətləri aradan qaldırması ilə bağlı son bəyanatı və buna cavab olaraq Ermənistanın baş nazirinin Ermənistan ərazisinin Türkiyə-Azərbaycan yükdaşımaları üçün açıq olması barədə bəyanatı iki tərəf arasında sülh quruculuğu prosesində irəliləyişin olduğunu və nəyə görə də olmasın, təşəbbüslərimizin əlverişli mühitinin daha da yaxşılaşdırılması və praktiki addımların həyata keçirilməsi baxımından müsbət rəqabətin olduğunu göstərir”, – həmsöhbətimiz qeyd edib.
Qazaxstan buğdasının ilk partiyasının tezliklə Azərbaycan ərazisindən keçməklə Ermənistana daxil olacağı ilə bağlı məlumatlara toxunan Petrosyan vurğulayıb ki, bu, rəmzi əhəmiyyətli addımdır və bununla İlham Əliyev sadəcə olaraq öz bəyanatını praktiki olaraq həyata keçirmək imkanı yaradır və bunu nümunə kimi göstərir.
“Amma burada başqa bir hal var. Əliyev əslində tranzitdə Azərbaycanın rolunu vurğulayır. Qonşu ölkənin ərazisindən Ermənistana bu simvolik yük daşıması bir daha Azərbaycanın alternativ marşrutlar və ya infrastruktur kanalları təklif edən dövlət kimi fəal iştirakını nümayiş etdirir ki, bu da faktiki olaraq münaqişənin mövcud olduğu dövrdə neft-qaz variantları əvəzinə yeni marşrutları gündəmə gətirmək imkanı verir”, – deyə Petrosyan izah edib.
Politoloqun fikrincə, Əliyevin bu addımının həm də təbliğat əhəmiyyəti var, daha doğrusu, Azərbaycan ən son təşəbbüsü müxtəlif təşəbbüslər sırasında və xüsusən də müxtəlif regionlarda iştirakı kontekstində qeyd edəcək.
“Söhbət Azərbaycanın Aİ ölkələrinə enerji daşımasından, Suriyaya qaz tədarükündən, Mərkəzi Asiya ilə Avropa arasında əlaqə yaratmaqdan və təbii ki, Qazaxıstan buğdasının Azərbaycan ərazisindən keçərək Ermənistana çatdırılması təşəbbüsündən gedir. Əliyev bütün bunlardan ABŞ-la müxtəlif danışıqlarda istifadə edəcək və göstərəcək ki, avqustun 8-də əldə olunmuş razılaşmaların həyata keçirilməsi üçün əməli addımlar atır”, – politoloq yekunlaşdırıb.
