Ermənistan Azərbaycanın nəzarəti altında olan suveren ərazilərini hərbi yolla qaytarmaq niyyətində deyil.
Bu barədə Ermənistanın xarici işlər naziri Ararat Mirzoyan bildirib.
“Hərbi əməliyyatlar nəticəsində suveren ərazimizin təxminən 200 kvadrat kilometri Azərbaycanın nəzarəti altındadır. Bizim bir anlaşmamız, razılığımız var, danışmışıq, demişik ki, bu ərazilərin qanuni sahiblərinə qaytarılması prosesi başladılan və davam edən demarkasiya və sərhədlərin müəyyən edilməsi prosesi nəticəsində baş verməlidir”, – Mirzoyan bildirib.
2024-cü ildə Ermənistan və Azərbaycan arasındakı sərhəd Tavuşun bir sıra hissələrində demarkasiya edilib. 2025-ci ilin yanvar ayında Ermənistan və Azərbaycan demarkasiyanın şimal hissədən davam etdirilməsi barədə razılığa gəliblər.
