Ermənistan hökuməti gələn il Dağlıq Qarabağdan məcburi köçkün olmuş şəxslərin mənzil təminatı və digər ehtiyaclarının ödənilməsi üçün 55 milyard dram ayıracaq.
Bu haqda Ermənistan Baş naziri Nikol Paşinyan “Ermənistan Respublikasının 2026-cı il dövlət büdcəsi haqqında” qanun layihəsinin müzakirəsi zamanı çıxışında bildirib.
“55 milyard dram Qarabağdakı bacı və qardaşlarımızın mənzil təminatı və digər ehtiyac, problemlərinin həllinə yönəldiləcək”- deyə Paşinyan qeyd edib.
2023-cü ildə Azərbaycanın Dağlıq Qarabağa qarşı hərbi təcavüzü nəticəsində Dağlıq Qarabağdan təxminən 120 min erməni Ermənistana köçüb.
Ermənistan hökuməti onların sosial problemlərini həll etmək üçün mənzil təminatı, onları işlə təmin etmək və müxtəlif digər proqramlar həyata keçirir.
